Ve din bhi kya din the

 Ve din bhi kya din the

jab hum chhote bacche the

Sirf chaar hi kaam to karne padte the 

Khana,sona rona aur khelna

Lekin na jaane kyon aaj 10 saal baad

Sab kuch badal sa gaya hai

Ve din bhi kya din the 

Jab hum chhote bacche the

School ke homework se aaj phursat hi kahaan

Pehle maan lori gaa kar jaldi sula deti thi..

Par aaj homework ke kaaran raat raat bhar jagte hain

Jab homework nahin hote to exams ke liye padhte hain

Daaton ke tutne ae lekar ugne tak mein kuch alag hi khushi thi

Phir christmas mein santa ka bhi to intazaar tha

Ve din bhi kya din the 

Jab hum chhote bacche the

Bhaiya ko school jaate dekh lagta tha main bhi vahan jaun

Par aaj..Exams ke kaaran jaane se hi dar lagta hai.

Haan aaj bhi khelne jaata hun main

Lekin bachpan ek alag hi anubhav tha

Ab chupke se main drover se apne bachpan ki tasveerein dekh kar hi khush ho leta hun main..

Ve din bhi kya din the 

Jab hum chhote bacche the

Maan jab bachpan ki kahaniyan sunati hai

To lagta phir se vahan chale jaun

Lekin ab.. Exams mein acche marks lane hote hain.

Kabhi kabhi lagta hai ye sab chodkar

Phir bachpan mein laut jaaun

Phir se saari chizen karoon

Sach mein vo din bahut yaad aate hain

Kam se kam in mushkil exams ka

Samna to nahin karn padta.

Kaash.. Kuch aisa ho jaaye 

Ki phir us choti si duniya mein laut jaun

Jo kabhi khatam hi naa ho...

Ve din bhi kya din the 

Jab hum chhote bacche the..

                             

                               - Devansh Singh

                                 8k

 Poem By - Tvisha Gandhi

 

Aaj bhi yaad hai saal bhar ki baatein..

Uss din papa ne hi toh gale se lagaya tha..

Mujhe rote-rote maa ne hi toh hasaya tha..

Aaj bhi yaad hai saal bhar ki baatein..

Dosto se jhagda bahot hua tha..

Lekin meri behen ne hi mujhe Sambhala tha..

Aaj bhi yaad hai saal bhar ki baatein..

Vaise dost Dil ke bure nahi the mere..

Mujhpe Jaan bhi haazir karte the..

Marks jyada aane par ladh bhi lete the..

Lekin dost sache the mere..

Aaj bhi yaad hai saal bhar ki baatein..

Teachers ke tarah tarah ke Naam banaya karte the hum..

Lekin jaante hai ki teachers day par sabse jyada maza bhi karte the hum..

Aaj bhi yaad hai saal bhar ki baatein..

School ki alag alag chhutiyo ke na aane par Ruth jaate the..

Lekin waha na jaane ka ek bahan nahi chodte the..

Aaj bhi yaad hai saal bhar ki baatein..

Khel-kud me apna awal no. aata tha..

Ha Magar sardiyo me razai se bahar nahi Jaana tha..

Aaj bhi yaad hai saal bhar ki baatein..

Sab bachhe santa ka bhi toh utna hi intezar karte the..

Phir bhi pata tha ki papa hi apne santa the..

Der tak jagne ki tabh bhi toh koshish Kiya karte the..

Malum tha ki Hume tofe me milega kya... Lekin koshish nahi chhodte the..

Aaj bhi yaad hai saal bhar ki baatein..

Malum hai ki wapas nahi aaenge woh beete hue din..

Lekin bas itna hi kehna chaahungi ki..

Aaj bhi yaad hai saal bhar ki woh baatein..

~Tvíshá Gandhi

Class- 8K